લગભગ 350 લોકોને મફત ચશ્માનું વિતરણ કરવામાં આવ્યું હતું
વાપી,
“વાપી યુથ સેવા ચેરીટેબલ ટ્રસ્ટ” છેલ્લા 4 વર્ષથી ગ્રુપ ક્રિકેટનું આયોજન કરીને ગરીબ બાળકો, વિકલાંગ લોકો અને નિ:સહાય લોકોને સખાવતી સહાય પૂરી પાડે છે.
તમને જણાવી દઈએ કે છેલ્લા 3 દિવસથી આ સંસ્થા દ્વારા વાપી પ્રીમિયર લીગ સીઝન 4નું વાપીના VIA ગ્રાઉન્ડ ખાતે આયોજન કરવામાં આવી રહ્યું છે. ખાસ વાત એ છે કે આ ઈવેન્ટમાં જે પણ રકમ એકઠી થાય છે, તે રકમ સેવામાં દાન કરવામાં આવે છે. લગભગ 350 લોકોને મફત ચશ્માનું વિતરણ કરવામાં આવ્યું હતું અને 40 જેટલા લોકોએ સ્વેચ્છાએ રક્તદાન પણ કર્યું હતું.
સંસ્થાનો મૂળ ઉદ્દેશ્ય પ્રજાની સેવા કરવાનો છે જે સંસ્થા દ્વારા છેલ્લા વર્ષોથી સતત કરવામાં આવી રહી છે. વિકલાંગ બાળકોને ભેટ તરીકે કિટ અને સામગ્રીનું વિતરણ કરવામાં આવશે, જેથી તેઓ તેમના જીવનમાં સ્મિત લાવી શકે.
નાના ટ્રાન્સપોર્ટરો આ અભિયાનમાં સામેલ છે, જેનો ઉદ્દેશ્ય સેવા ભાવના છે. દરેક વ્યક્તિ સાથે મળીને ક્રિકેટનું આયોજન કરે છે, ઇવેન્ટનું આયોજન ન્યૂનતમ બજેટ સાથે કરવામાં આવે છે, જેથી મહત્તમ રકમ એકત્ર કરી શકાય અને જરૂરિયાતમંદોને મદદ કરી શકાય.
વાપી યુથ સેવા ચેરીટેબલ ટ્રસ્ટ દ્વારા છેલ્લા 4 વર્ષથી અનેકવિધ કાર્યક્રમોનું આયોજન કરતી આવી છે. જેમાં બ્લાઈન્ડ બાળકોના આરોગ્ય અને શિક્ષણ હેતુ ટ્રસ્ટ દ્વારા રવિવારના રોજ વાપી વીઆઈએ ગ્રાઉન્ડ ઉપર ક્રિકેટ તથા ચેકઅપ કેમ્પનું આયોજન કરવામાં આવ્યું હતું. જેમાં એજયુકેશન ફી, ફ્રી સ્પેકટેકલ ડિસ્ટ્રીબ્યુશન, સ્માર્ટ સ્ટીક ડિસ્ટ્રીબ્યુશન સાથે આંખની તપાસ, ડાયાબિટિસ ચેકઅપ રાખવામાં આવ્યું હતું. કેમ્પમાં વાપી તથા આસપાસના ગ્રામ્ય વિસ્તારો અને કામદારો મળી કુલ 337 લાભાર્થીઓએ લાભ લીધો હતો.
જેમાં જરૂરિયાતમંદ આંખના દર્દીઓને 200 ચશ્માનું વિતરણ કરાયું હતું. જયારે 100 સુગર ચેકઅપ તથા 27 લોકોએ આરોગ્ય વિષયક તપાસ કરાવી હતી. કેમ્પમાં લાયન્સ આઈ હોસ્પિટલના આંખના સર્જન ડો.ચારૂ પી. ચૌહાણ, ઓપ્ટોમેટીકસ કોમલ રાઠોડ, ઓપ્ટીકલ આસીસ્ટન્ટ સાહિલ ખાન, સિસ્ટર ગીતા જાધવ, વિમલ પટેલ અને તેમની ટીમે સેવા આપી હતી. ક્રિકેમમાં કુલ 7 ટીમોએ ભાગ લીધો હતો.
વિજેતા ટીમોને ટ્રોફી આપી સન્માનિત કરવામાં આવ્યા હતાં. સંસ્થાના પ્રમુખ પંકજ વર્માએ જણાવ્યું હતું કે, બ્લાઈન્ડ બાળકોના આરોગ્ય અને શિક્ષણ હેતુ મદદરૂપ બનવા માટે સંસ્થા દ્વારા છેલ્લા 4 વર્ષથી કેમ્પ તથા ક્રિકેટનું આયોજન કરી રહી છે. ક્રિકેટ જોવા માટે વાપી તથા આસપાસના વિસ્તારોમાંથી મોટી સંખ્યામાં લોકો આવ્યા હતા અને ખેલાડીઓનો ઉત્સાહ વધાર્યો હતો તથા ચેકઅપ કેમ્પનો પણ લાભ લીધો હતો.ટીમના ખેલાડીઓની મહેનત રંગ લાવી અને સિદ્દિકી સુપર ઝેન લખનઉ ટીમ ફાઈનલમાં વિજેતા બની
વાપી યુથ સેવા ચેરીટેબલ ટ્રસ્ટ દ્વારા બ્લાઈન્ડ બાળકોના આરોગ્ય અને શિક્ષણ હેતુ ક્રિકેટ મેચનું આયોજન કરાયું હતું. જેમાં 7 ટીમોએ ભાગ લીધો હતો. ફાઈનલ મેચ પંજાબ અને સિદ્દિકી સુપર ઝેન લખનઉ વચ્ચે રમાઈ હતી. પ્રથમ દાવ સિદ્દિકી સુપર ઝેન લખનઉએ લીધો હતો. 7 ઓવરમાં 8 વિકેટ ગુમાવી ટીમે 50 રન બનાવ્યા હતાં. જેના જવાબમાં પંજાબ ટીમે 46 રન બનાવી શકી હતી અને સિદિકી સુપર ઝેન લખનઉ ટીમ વિજેતા જાહેર થઈ હતી. મેચના કપ્તાન મહેફુઝ સિદ્દિકીએ જણાવ્યું હતું કે, અમારી ટીમે સારી મહેનત કરી હતી અને ફાઈનલ મેચમાં રસાકસી પણ થઈ હતી. આ મેચ નિહાળવા માટે મોટી સંખ્યામાં દર્શકો પણ આવ્યા હતા અને તેઓએ અમારી ટીમને જીત માટે પ્રોત્સાહિત પણ કર્યા હતાં. ટીમના ઓનર મેહફુઝ સિદ્દિકી અને આસીફ સિદ્દિકી, ઉપકપ્તાન આસીફ સિદ્દિકી, જુનેદ સિદ્દિકી, સરવર સિદ્દિકી, યેતેશ દુબે, અય્યાઝ ખાન, અકીબ સિદ્દિકી, ગુફરાન સિદ્દિકી, ઉસ્માન શેખ, ગ્યાનુ મિશ્રા, મુકેશ પચીસીયા, શાહીબે આલમ, ચિંગારી ખાન, કોચ કલીમ સિદ્દિકી, મેનેજર રીયાજુલ સિદ્દિકી, મેનટોર રીજવાન સિદ્દિકી, આસીસ્ટન્ટ કોચ ઝઈદ સિદ્દિકી રહ્યા હતાં. પાછલા વર્ષે પણ ટીમે ફાઈનલ મેચ જીતી હતી.
